പത്തനംതിട്ട : സംസ്ഥാനത്തെ ഇരുപത്തിഅയ്യായിരത്തിൽപരം വരുന്ന വയോധികരായ സർവ്വീസ്സ് പെൻഷൻകാരുടെ മണിയോർഡർ വഴിയുള്ള പെൻഷൻ മുടങ്ങിയതിൽ പ്രതിഷേധിച്ച് കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ ജില്ലാ കമ്മിറ്റി പത്തനംതിട്ട ഹെഡ് പോസ്റ്റ് ഓഫിസ് പടിക്കൽ ധർണ നടത്തി.സംസ്ഥാന സെക്രട്ടറി എസ്. മധുസൂദനൻ പിള്ള ഉദ്ഘാടനം ചെയ്തു.
പെൻഷൻ ലഭിക്കാതായിട്ട് രണ്ടാഴ്ച കഴിഞ്ഞു. ശാരീരികമായ അവശരായ പെൻഷൻകാർ ട്രഷറികളിലോ ബാങ്കിലോ പോയി പെൻഷൻ വാങ്ങുന്നത് അസൗകര്യമായതിനാലാണ് പോസ്റ്റോഫീസ് വഴി പെൻഷൻ തുക മണിയോഡറായി വാങ്ങിയിരുന്നത്. സംസ്ഥാന സർക്കാരിൻ്റെ കെടുകാര്യസ്ഥതമൂലം പോസ്റ്റൽ വഴി പെൻഷൻ നൽകുന്നതിന് ചില സാങ്കേതികമായ തടസ്സങ്ങൾ ഉണ്ടായി എന്നു പറയുമ്പോഴും ഗവണ്മെൻ്റിൻ്റെ കൃത്യമായ ഇടപെടൽ നടത്തിയിരുന്നെങ്കിൽ ഈ തടസ്സം ഒഴിവാക്കാമായിരുന്നുവെന്ന് അദ്ദേഹം പറഞ്ഞു
ജില്ലാ പ്രസിഡൻ്റ് എം.എ ജോൺ അദ്ധ്യക്ഷതവഹിച്ചു. ജില്ലാ സെക്രട്ടറി വിൽസൺ തുണ്ടിയത്ത്, കോൺഗ്രസ്സ് മണ്ഡലം പ്രസിഡന്റ് റെന്നീസ് മുഹമ്മദ് , സംസ്ഥാന കൗൺസിലർമാരായ എസ്. സന്തോഷ് കുമാർ, ഹാഷിം കെ, റഹിം റാവുത്തർ,എം.പി മോഹനൻ , എ അസീസ് കുട്ടി, ഗീവർഗീസ്.പി, പി.എ.മീരാപിള്ള, കെ.ജി.റെജി, ജസിവർഗീസ്,രാജൻ പടിയറ, എം.എ.രാജൻ, ഏബ്രഹാം മാത്യു, എം.എം.ജോസഫ്, ഡോ.സാബുജി വർഗീസ്, എം.എ.മുഹമ്മദ് അലി, പി. ജോൺ, മുഹമ്മദ് സലിം,രാധാകൃഷ്ണ പിള്ള, ടി.എ.ദാമോദരൻ എന്നിവർ പ്രസംഗിച്ചു.
