കോന്നി : കൊക്കാത്തോട് കോട്ടമൺപാറയിൽ വനത്തിനുള്ളിൽ കാട്ടാനയുടെ ജഡം കണ്ടെത്തി. വനത്തിലെ നരകനരുവി ഭാഗത്താണ് പിടിയാനയുടെ ജഡം കാണപ്പെട്ടത്. ജഡത്തിന് രണ്ടാഴ്ചത്തെ പഴക്കമുണ്ടെന്ന് വനം വകുപ്പ് ഉദ്യോഗസ്ഥർ പറഞ്ഞു.
നടവത്തുമൂഴി റേഞ്ചിൽ ഉൾപ്പെട്ട കൊക്കാത്തോട് ഫോറസ്റ്റ് സ്റ്റേഷനിലെ ഉദ്യോഗസ്ഥർ വനത്തിനുള്ളിൽ നിരീക്ഷണം നടത്തുന്നതിനിടെയാണ് ആനയുടെ ജഡം കണ്ടെത്തിയത്. വനം വകുപ്പ് വെറ്റിറനറി സർജൻ്റെ നേതൃത്വത്തിൽ പോസ്റ്റ്മോർട്ടം നടപടികൾ പൂർത്തിയാക്കി ജഡം സംസ്കരിച്ചു
