പത്തനംതിട്ട : രാത്രിയിൽ വീടിന് നേരെ സാമൂഹിക വിരുദ്ധരുടെ ആക്രമണം. വള്ളിക്കോട് വാലു പറമ്പിൽ ജംഗ്ഷന് സമീപമുള്ള കൃഷ്ണ കൃപയിൽ ബിജുവിൻ്റെ വീടിനു നേരെയാണ് കഴിഞ്ഞ രാത്രി 10 ന് സാമൂഹികവിരുദ്ധരുടെ അക്രമം നടന്നത്.
വീടിൻ്റെ വാതിലുകളും ജനലുകളും പോർച്ചിൽ കിടന്ന കാറും സിസിടിവിയും അടിച്ചുതകർത്തു. മുറ്റത്തെ ചെടിച്ചട്ടികളും നശിപ്പിച്ചു. വീടിനോട് ചേർന്ന പറമ്പിലെ പച്ചക്കറി കൃഷിയും നശിപ്പിച്ചിട്ടുണ്ട്. കണ്ടാൽ അറിയാവുന്ന രണ്ട് യുവാക്കളാണ് അക്രമം നടത്തിയതെന്ന് വീട്ടുകാർ പൊലീസിനോട് പറഞ്ഞു.
ഇവർ മദ്യ മയക്കുമരുന്ന് സംഘത്തിൽപ്പെട്ടവരാണന്ന് സംശയിക്കുന്നു. പത്തനംതിട്ട പോലിസിൽ പരാതി നൽകി.
