തിരുവനന്തപുരം: ആലപ്പുഴയിൽ യൂത്ത് കോൺഗ്രസ് പ്രവർത്തകരെ മുൻ മുഖ്യമന്ത്രി പിണറായി വിജയന്റെ ഗൺമാൻ ആക്രമിച്ച സംഭവത്തിൽ പുനരന്വേഷണം നടത്താൻ മന്ത്രിസഭാ യോഗ തീരുമാനം. എൽഡിഎഫ് സർക്കാരിന്റെ നവകേരള സദസിന്റെ ഭാഗമായി ആലപ്പുഴയിൽ മുഖ്യമന്ത്രി എത്തിയപ്പോൾ ഗൺമാൻമാർ അടങ്ങുന്ന സംഘം യൂത്ത് കോൺഗ്രസ് പ്രവർത്തകരെ മർദിച്ചിരുന്നു.
ഈ വീഡിയോ അടക്കം സോഷ്യൽ മീഡിയയിൽ വൈറലായി മാറിയിരുന്നു. ഈ കേസിൽ മർദനമേറ്റ യൂത്ത് കോൺഗ്രസ് പ്രവർത്തകർ കോടതിയെ സമീപിച്ചിരുന്നു. ഇതേ തുടർന്ന് കോടതി കേസിൽ പുനരന്വേഷണത്തിന് ഉത്തരവിട്ടിരുന്നു. ഇതേ തുടർന്ന് കേസിൽ പുനരന്വേഷണത്തിനാണ് ഇപ്പോൾ പുതിയ മന്ത്രിസഭാ യോഗം ഉത്തരവിട്ടിരിക്കുന്നത്. ഇതിനായി ആഭ്യന്തരവകുപ്പ് പുതിയ ടീമിനെ രൂപീകരിക്കുമെന്നും മുഖ്യമന്ത്രി വി.ഡി സതീശൻ വ്യക്തമാക്കി.
