കായംകുളം : കായംകുളത്ത് മാവേലി വേഷം കെട്ടിയ ആളുടെ ദേഹത്ത് തിളച്ച എണ്ണയൊഴിച്ചതായി പരാതി.കരുനാഗപ്പള്ളി സ്വദേശിയായ ചന്ദ്രബാബുവിനാണ് ആക്രമണത്തിൽ പൊള്ളലേറ്റത്. സംഭവത്തിൽ തട്ടുകടക്കാരനെതിരെ കായംകുളം പൊലീസ് കേസെടുത്തു.
അവിട്ടം ദിനത്തിലാണ് സംഭവം നടന്നത്.അവിട്ടം ദിനത്തിൽ മാവേലി വേഷത്തിലെത്തി ഓരോ സ്ഥാപനങ്ങളിൽ കയറുന്നതിനിടെ തട്ടുകടയിൽ എത്തി ചായ കുടിച്ച ശേഷം കടക്കാരനുമായി വാക്ക് തർക്കമുണ്ടായി. വാക്കു തർക്കത്തിനിടെ കടക്കാരൻ പലഹാരം വറത്തു കൊണ്ടിരുന്ന തിളച്ച എണ്ണ എടുത്ത് മുഖത്ത് ഒഴിച്ചു എന്നാണ് പരാതി. ചന്ദ്രബാബുവിന്റെ മുഖത്തും കൈയ്യിലും പൊള്ളലേറ്റു.
അതേസമയം, പണത്തെച്ചൊല്ലിയുണ്ടായ തർക്കത്തിനിടെ എണ്ണ അബദ്ധത്തിൽ വീണതാണെന്നാണ് തട്ടുകട ഉടമയുടെ വാദം.സംഭവത്തിൽ പൊലീസ് അന്വേഷണം ആരംഭിച്ചു .
