അമ്പലപ്പുഴ: ക്ഷേത്രനുഷ്ടാന വാദ്യ കലകളിൽ ഏഴ് പതിറ്റാണ്ട് കാലം നിറഞ്ഞുനിന്ന കലാ രത്നം അമ്പലപ്പുഴ പരമേശ്വര കുറുപ്പിന്റെ പന്ത്രണ്ടാമത് അനുസ്മരണവും സുവർണ്ണ മുദ്ര സമർപ്പണവും ജി. സുധാകരൻ എം. എൽ. എ. ഉത്ഘാടനം ചെയ്തു. പത്മശ്രീ പെരുവനം കുട്ടൻ മാരാർ കൊമ്പ് വാദന കലാകാരൻ കുമ്മത്തു രാമൻകുട്ടി നായർക്ക് സുവർണ്ണ മുദ്ര സമർപ്പിച്ചു.
വാദ്യ കലാ സമിതി പ്രസിഡന്റ് പി. ഗോപാലകൃഷ്ണൻ അധ്യക്ഷനായി. ക്ഷേത്രം മുൻ മേൽശാന്തി ബ്രഹ്മദത്തൻ നമ്പൂതിരി അനുസ്മരണ പ്രഭാഷണം നടത്തി. ദേവസ്വം അഡ്മിനിസ്ട്രേറ്റീവ് ഓഫീസർ ലേഖ. ആർ. പണിക്കർ, ഗ്രാമ പഞ്ചായത്ത് പ്രസിഡന്റ് കെ. കവിത, അനിൽ പാഞ്ചജന്യം, മരുതോർവട്ടം ഉണ്ണികൃഷ്ണൻ, വി. ജെ. ശ്രീകുമാർ വലിയമഠം, കെ. ചന്ദ്രകുമാർ, കെ. ആർ. ഹരികുമാർ, രക്ഷാധി കാരികളായ പി. ഗോപകുമാർ, പി. ജയകുമാർ, പി. വിജയകുമാർ എന്നിവർ പ്രസംഗിച്ചു
