തിരുവല്ല: പെരിങ്ങര ഗവ ഹയർ സെക്കണ്ടറി സ്കൂളിന്റെയും കാരയ്ക്കൽ പബ്ലിക് ലൈബ്രറിയുടെയും സംയുക്താഭിമുഖ്യത്തിൽ വായന വാരാചരണ സമാപനവും പി.എൻ പണിക്കർ അനുസ്മരണവും സംഘടിപ്പിച്ചു. പെരിങ്ങര ഗ്രാമ പഞ്ചായത്തംഗം സി.കെ. അനു ഉദ്ഘാടനം നിർവഹിച്ചു.
സ്കൂൾ ലൈബ്രറി ചുമതലയുള്ള അദ്ധ്യാപിക വി. നീത അദ്ധ്യക്ഷത വഹിച്ചു. യുവ കവയിത്രി മെൽവിയ പി.എൻ.പണിയ്ക്കർ അനുസ്മരണം നടത്തി. തുടർന്ന് അമ്മമാരും അദ്ധ്യാപകരും വായിച്ച പുസ്തകങ്ങൾ പരിചയപ്പെടുത്തിയ താളും തണലും പരിപാടി നടന്നു.
ഗ്രാമപഞ്ചായത്തംഗം ടി.ആർ ദേവരാജൻ, ലൈബ്രറി സെക്രട്ടറി റ്റി.ആർ ജയരാജ്, ജോയിന്റ് സെക്രട്ടറി പി.സി. ജേക്കബ്, കെ.അജയകുമാർ അദ്ധ്യാപകരായ ഷിബിത ലില്ലി മാത്യു, എസ്. ഷെഫീന എന്നിവർ പ്രസംഗിച്ചു. യുവ കവയിത്രി മെൽവിയയെ ചടങ്ങിൽ ആദരിച്ചു.
