തിരുവനന്തപുരം: അതി തീവ്ര മഴയെ തുടർന്ന് പമ്പ നദിയിൽ ക്രമാതീതമായി ജലനിരപ്പ് ഉയർന്ന സാഹചര്യത്തിൽ നിറപുത്തരി ചടങ്ങുകൾക്ക് ശബരിമലയിലേക്കുള്ള യാത്ര ഭക്തർ കഴിവതും ഒഴിവാക്കണമെന്ന് തിരുവിതാംകൂർ ദേവസ്വം ബോർഡ് അറിയിച്ചു.
ഞായർ, തിങ്കൾ ദിവസങ്ങളിലാണ് നിറപുത്തരിക്കായി നട തുറക്കുന്നത്. ചിങ്ങമാസ പൂജകൾക്കായി 16 മുതൽ 21 വരെയും ഓണത്തോട് അനുബന്ധിച്ച പൂജകൾക്കായി 24 മുതൽ 28 വരെയും ശബരിമല നട തുറക്കും. ദർശനത്തിനായി ഭക്തർക്ക് ഈ ദിവസങ്ങൾ പ്രയോജനപ്പെടുത്തണമെന്ന് ദേവസ്വം ബോർഡ് അധികൃതർ അറിയിച്ചു.
