Saturday, November 21, 2026
No menu items!

subscribe-youtube-channel

HomeNewsNational60 വയസ്സ്...

60 വയസ്സ് കഴിഞ്ഞ സ്ത്രീകൾക്ക് ആയുഷ്കാലം സൗജന്യ ബസ് യാത്ര : പ്രഖ്യാപനവുമായി ഉത്തർപ്രദേശ് സർക്കാർ

ന്യൂഡൽഹി: ഉത്തർപ്രദേശിലെ 60 വയസ്സും അതിൽ കൂടുതലുമുള്ള മുതിർന്ന സ്ത്രീകൾക്ക് സംസ്ഥാന റോഡ് ട്രാൻസ്പോർട്ട് കോർപ്പറേഷന്റെ (യു.പി.എസ്.ആർ.ടി.സി) ബസുകളിൽ സൗജന്യ യാത്ര പ്രഖ്യാപിച്ച് മുഖ്യമന്ത്രി യോഗി ആദിത്യനാഥ്. മുതിർന്ന സ്ത്രീകളുടെ സാമൂഹിക, സാമ്പത്തിക, ആത്മീയ ആവശ്യങ്ങൾക്കായും ചികിത്സാ ആവശ്യങ്ങൾക്കായും സൗജന്യമായി യാത്ര ചെയ്യാൻ അവസരമൊരുക്കുക എന്നതാണ് പദ്ധതിയിലൂടെ സർക്കാർ ലക്ഷ്യമിടുന്നതെന്ന് യോഗി വ്യക്തമാക്കി.

പദ്ധതിയുടെ സുഗമമായ നടത്തിപ്പിനായി ഉത്തർപ്രദേശ് സർക്കാർ അടുത്തിടെ പാസാക്കിയ ഉപധനനിർമ്മാണ ബജറ്റിൽ 100 കോടി രൂപ നീക്കിവെച്ചിരുന്നു. സൗജന്യ യാത്രാ ടിക്കറ്റുകൾ നൽകുന്നതിലൂടെ സംസ്ഥാന ഗതാഗത കോർപ്പറേഷനുണ്ടാകുന്ന സാമ്പത്തിക നഷ്ടം സർക്കാർ നേരിട്ട് നികത്തും. പ്രതിദിനം ഏകദേശം ഒരു ലക്ഷത്തോളം മുതിർന്ന സ്ത്രീകൾക്ക് ഈ പദ്ധതിയുടെ ആനുകൂല്യം ലഭിക്കുമെന്നാണ് കണക്കാക്കുന്നത്.

യാത്രാവേളയിൽ ടിക്കറ്റ് കേന്ദ്രങ്ങളിലോ ബസിലോ ആധാർ കാർഡ് ഉൾപ്പെടെയുള്ള തിരിച്ചറിയൽ രേഖകൾ കാണിച്ചുകൊണ്ട് സ്ത്രീകൾക്ക് സൗജന്യ യാത്ര ഉറപ്പാക്കാം. വനിതാ ക്ഷേമ വകുപ്പിനായി മാറ്റി വെച്ച 1,094 കോടി രൂപയുടെ അധിക വിഹിതത്തിന് പുറമെയാണ് ഈ പദ്ധതിക്ക് വേണ്ടി തുക നീക്കിവെച്ചിരിക്കുന്നത്. 

- Advertisment -

RELATED ARTICLES
Advertisment

Desham News

- Advertisement -

മാര്‍ യോഹാന്‍ ക്രിസ്തു സന്ദേശം ലോകമെങ്ങും അറിയിച്ച ദൈവസ്‌നേഹി : ശ്രീധരന്‍പിള്ള

തിരുവല്ല : ക്രിസ്തുവിന്റെ സന്ദേശം ലോകമെങ്ങും അറിയിച്ച യഥാര്‍ത്ഥ ദൈവസ്‌നേഹിയായിരുന്നു മാര്‍ അത്തനേഷ്യസ് യോഹാന്‍ മെത്രാപ്പോലീത്തയെന്ന് ഗോവ ഗവര്‍ണര്‍ പി.എസ്. ശ്രീധരന്‍പിള്ള. ബിലീവേഴ്‌സ് ഈസ്റ്റേണ്‍ ചര്‍ച്ച് അധ്യക്ഷന്‍ കാലം ചെയ്ത മാര്‍ അത്തനേഷ്യസ് യോഹാന്‍...

ശബരിമലയില്‍ ദര്‍ശനപുണ്യം നേടി മൂന്ന് ലക്ഷത്തോളം ഭക്തര്‍

ശബരിമല: മണ്ഡല - മകരവിളക്ക് തീര്‍ഥാടനത്തിനായി ശബരിമല നട തുറന്ന ശേഷം ഇതുവരെ ദര്‍ശനം നടത്തിയത് മൂന്ന് ലക്ഷത്തോളം ഭക്തര്‍. 2,98,310 പേരാണ് നവംബര്‍ 19 ന് വൈകിട്ട് അഞ്ച് വരെ എത്തിയത്....
- Advertisment -

Most Popular

- Advertisement -