തിരുവല്ല : ഗവേഷണ ഫലങ്ങളെ തെളിവുകളുടെ അടിസ്ഥാനത്തില്‍ ആരോഗ്യമേഖലയില്‍ നടപ്പാക്കുന്നതിന് ലക്ഷ്യമിട്ട് ബിലിവേഴ്‌സ ചര്‍ച്ച് മെഡിക്കല്‍ കോളജിലെ ഹെമറ്റോളജി വിഭാഗം ഹെമറ്റോളജി ഹൊറൈസണ്‍സ് എന്ന പേരില്‍ കോണ്‍ഫറന്‍സ് സംഘടിപ്പിച്ചു. ലോകമെമ്പാടുമുള്ള മെഡിക്കല്‍ രംഗത്തേക്ക് ഈ കണ്ടെത്തലുകള്‍ എത്തിക്കുകയായിരുന്നു പരിപാടിയുടെ ലക്ഷ്യം.
പത്തോളജി, നെഫ്രോളജി, കാര്‍ഡിയോളജി, ന്യൂറോളജി, ഇന്റര്‍വെന്‍ഷണല്‍ മെഡിസിന്‍, ഇന്റേണല്‍ മെഡിസിന്‍, ഒബ്സ്റ്റട്രിക്സ് ആന്‍ഡ് ഗൈനക്കോളജി, പള്‍മണോളജി എന്നിവയുള്‍പ്പെടെ വിവിധ സ്‌പെഷ്യാലിറ്റികളില്‍ നിന്നുള്ള വിദഗ്ധര്‍ പുരോഗതിയും സഹകരണവും ചര്‍ച്ച ചെയ്തു.
ഡോ. ജോണ്‍ വള്ളിയാട്ട്, ഡോ. ജിയോംസി ജോര്‍ജ്, ഡോ. ടോമി ഫിലിപ്പ്, മിനി സാറ തോമസ്, സുധ മാത്യു, ഡോ. ആബേല്‍ കെ. സാമുവല്‍ ജോണ്‍സണ്‍, ഫാ. തോമസ്, ഡോ. ബോബി എബ്രഹാം, ഡോ. ആകാശ് ചോസകാഡെ, ഡോ. ചെപ്‌സി സി. ഫിലിപ്പ് എന്നിവര്‍ പ്രസംഗിച്ചു.
വിവിധ വിഷയങ്ങള്‍ സംബന്ധിച്ച സെഷനുകള്‍ അവതരിപ്പിച്ചു. മെഡിക്കല്‍ തുടര്‍ വിദ്യാഭ്യാസ പരിശീലന പരിപാടിയുടെ ഭാഗമായിട്ടാണ് പരിപാടി സംഘടിപ്പിച്ചത്.
