കൊച്ചി :കാസർഗോഡ് ഗവ. കോളേജ് മുൻ പ്രിൻസിപ്പാൾ ഡോ. എം രമയ്ക്കെതിരെയുള്ള അച്ചടക്ക നടപടികൾ ഹൈക്കോടതി റദ്ദാക്കി.രമയ്ക്കെതിരായ അന്വഷണം ഏകപക്ഷീയമാണെന്നും ആരോപണങ്ങൾ നിലനിൽക്കില്ലെന്നും കോടതി അറിയിച്ചു.നടപടികളിൽ ബാഹ്യ ഇടപെടൽ ഉണ്ടായെന്നും കോടതി വിലയിരുത്തി. അധ്യാപികയെ തടഞ്ഞുവച്ചതടക്കമുള്ള പരാതികളിൽ എന്ത് നടപടി സ്വീകരിച്ചു എന്ന് കോടതി ചോദിച്ചു.
എസ്എഫ്ഐ പ്രവർത്തകരുടെ നേതൃത്വത്തിൽ കോളജിൽ അനാശാസ്യ പ്രവർത്തനം നടക്കുന്നതായും ലഹരി വിൽപന ഉണ്ടെന്നുമുള്ള രമയുടെ ആരോപണത്തിനെതിരെ എസ്എഫ്ഐ യൂണിറ്റ് പ്രസിഡന്റിന്റെ പരാതിയിലാണ് സർക്കാർ അച്ചടക്ക നടപടി സ്വീകരിച്ചത്.സര്‍വീസിന്റെ അവസാന പ്രവൃത്തി ദിവസം രമക്കെതിരെ ഇറക്കിയ കുറ്റപത്രവും ഉന്നത വിദ്യാഭ്യാസ മന്ത്രി എടുത്ത വകുപ്പുതല അന്വേഷണവും ഹൈക്കോടതി റദ്ദാക്കി.
