കുറ്റൂർ : കുറ്റൂർ കൃഷി ഭവന്റെ ആഭിമുഖ്യത്തിൽ കല്ലൻ പറമ്പിൽ ബിനു കുമാർ എന്ന കർഷകന്റെ കൃഷിയിടത്തിൽ ബന്ദി പൂവ് കൃഷി യുടെ വിളവെടുപ്പ് പ്രസിഡന്റ്‌ അനുരാധ സുരേഷ് നിർവഹിച്ചു. അഞ്ചാം വാർഡ് മെമ്പർ ആൽഫ അമ്മിണി ജേക്കബ്,കൃഷി ഓഫീസർ താര മോഹൻ, കൃഷി അസിസ്റ്റന്റ് മാരായ ബിന്ദു എ,സ്മിത ജേക്കബ്, എന്നിവർ സംബന്ധിച്ചു.
സംസ്ഥാന ഹോർട്ടികൾച്ചർ മിഷൻ പദ്ധതിയിൽ ഉൾപ്പെടുത്തി കൃഷി ഭവനിൽ നിന്നും സങ്കരയിനം തൈകൾ നൽകിയിരുന്നു.വിവിധ വാർഡുകളിലായി കൃഷിക്കൂട്ടങ്ങൾ രൂപീകരിച്ചു 200 സെന്റിൽ ബന്ദി പൂവ് കൃഷി ചെയ്തു.
പൂവ് ആവശ്യമുള്ളവർക്ക് കൃഷിഭവനെ സമീപിക്കാവുന്നതാണെന്നു കൃഷി ഓഫീസർ അറിയിച്ചു.
