തിരുവനന്തപുരം : സംസ്ഥാന നിയമസഭാ സമ്മേളനം ആരംഭിച്ചു.ഗവർണറുടെ നയപ്രഖ്യാപന പ്രസംഗത്തോടെയാണ് സമ്മേളനം ആരംഭിച്ചത് .അതിദാരിദ്ര്യ നിര്‍മാര്‍ജനം ഉള്‍പ്പെടെ സര്‍ക്കാരിന്റെ നേട്ടങ്ങള്‍ എണ്ണിപ്പറഞ്ഞാണ് ഗവര്‍ണര്‍ രാജേന്ദ്ര അര്‍ലേക്കര്‍ നയപ്രഖ്യാപന പ്രസംഗം തുടങ്ങിയത്. കേരളത്തിന് അർഹമായ വിഹിതം വെട്ടിക്കുറച്ചതിലുൾപ്പെടെയുള്ള കേന്ദ്ര തീരുമാനങ്ങളെ നയപ്രഖ്യാപനത്തില്‍ വിമർശിച്ചു.
നിയമസഭാ തിരഞ്ഞെടുപ്പിനു തൊട്ടുമുന്‍പുള്ള അവസാന നിയമസഭാ സമ്മേളനമാണ് നയപ്രഖ്യാപന പ്രസംഗത്തോടെ ആരംഭിച്ചത്. ജനുവരി 29 ന് 2026-27 വര്‍ഷത്തേക്കുള്ള സമ്പൂര്‍ണ ബജറ്റ് അവതരിപ്പിക്കും.ഫെബ്രുവരി 2 മുതല്‍ 5 വരെ ബജറ്റിനെക്കുറിച്ചുള്ള പൊതുചര്‍ച്ചയും വോട്ടെടുപ്പും നടക്കും. മാര്‍ച്ച് 26 വരെ നിയസഭ സമ്മേളനം നടക്കും.
