പന്തളം: ലോറിയും കാറും കൂട്ടിയിടിച്ച് ഒരാൾ മരിച്ചു. കാർ ഓടിച്ചിരുന്ന ഫോറസ്റ്റ് വെറ്റിനറി ക്ലർക്ക് പന്തളം. കുരമ്പാല, പറങ്ങാട്ട് വടക്കേതിൽ ശ്രീകുമാർ ( 44) ആണ് മരിച്ചത്. എം സി റോഡിൽ തോന്നലൂർ കാണിക്ക വഞ്ചിക്ക് സമീപം ഇന്ന് ഉച്ച കഴിഞ്ഞു 3 ന് ആയിരുന്നു അപകടം.
ആറന്മുളയിൽ നിന്ന് പന്തളത്തെ വീട്ടിലേക്ക് വരികയായിരുന്ന ശ്രീകുമാർ ഓടിച്ച കാറിലേക്ക് പന്തളത്ത് നിന്നും കുളനട ഭാഗത്തേക്ക് വന്ന ലോറി ഇടിച്ചു കയറുകയായിരുന്നു. അപകടം നടന്ന ഉടൻ ശ്രീകുമാറിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
