കോട്ടയം : കോട്ടയത്ത് അമിതവേഗത്തിലെത്തിയ ബസ് യാത്രക്കാർക്കിടയിലേക്ക് ഇടിച്ചു കയറി.അപകടത്തിൽ പരിക്കേറ്റ പെൺകുട്ടി മരിച്ചു. നട്ടാശേരി പാറയിൽ അജയന്റെ മകൾ അഞ്ജലിയാണ് (18) മരിച്ചത്. ഇന്നലെ രാത്രി ഏഴിന് കോട്ടയം ചന്തക്കവലയിലാണ് അപകടം.
നാഗമ്പടം സ്റ്റാൻഡിൽനിന്നു ചങ്ങനാശേരി ഭാഗത്തേക്കു പോകുകയായിരുന്ന തണ്ടപ്ര’ എന്ന സ്വകാര്യ ബസ് ആണ് അപകടത്തിനിടയാക്കിയത്.നിയന്ത്രണം നഷ്ടമായ ബസ് റോഡരികിലേയ്ക്ക് ഇടിച്ച് കയറി. ഫുട്പാത്തിലെ ഗ്രില്ലുകളും വൈദ്യുതി പോസ്റ്റും ഇടിച്ച് തകർത്ത ബസ് യാത്രക്കാർക്ക് ഇടയിലേയ്ക്ക് പാഞ്ഞു കയറുകയായിരുന്നു അപകടത്തിൽ അഞ്ജലി അടക്കം അഞ്ചു സ്ത്രീകൾക്ക് ഗുരുതരമായി പരിക്കേറ്റിരുന്നു. ഡ്രൈവറേയും കണ്ടക്ടറെയും പൊലീസ് കസ്റ്റഡിയിലെടുത്തു.
