ജയ്പൂർ : സുരക്ഷാ പരിശോധനയ്ക്കിടെ സിഐഎസ്എഫ് ഉദ്യോഗസ്ഥന്റെ മുഖത്തടിച്ച സ്പൈസ് ജെറ്റ് ജീവനക്കാരിയെ അറസ്റ്റ് ചെയ്തു.ഫുഡ് സൂപ്പർവൈസർ അനുരാധ റാണിയാണ് അറസ്റ്റിലായത് .പുലർച്ചെ 4 മണിയോടെ ജയ്പുർ വിമാനത്താവളത്തിലാണ് സംഭവം.
നാലു സഹപ്രവർത്തകർക്കൊപ്പം അതിക്രമിച്ചു കടക്കാൻ ശ്രമിച്ചു എന്നാരോപിച്ചാണ് എഎസ്ഐ ഗിരിരാജ് പ്രസാദ് യുവതിയെ തടഞ്ഞത്. യുവതിയോട് സുരക്ഷാ പരിശോധനയ്‌ക്കു ഹാജരാകാൻ എഎസ്ഐ ആവശ്യപ്പെട്ടു .തുടർന്നാണ് യുവതി ആക്രമിച്ചത്.എന്നാൽ യുവതിയുടെ പക്കൽ ബ്യൂറോ ഓഫ് സിവിൽ ഏവിയേഷൻ സെക്യൂരിറ്റി നൽകിയ കൃത്യമായ രേഖകളുണ്ടായിരുന്നുവെന്നും അകാരണമായി ഇവരെ ഉദ്യോഗസ്ഥൻ തടയുകയായിരുന്നുവെന്നും സ്പൈസ് ജെറ്റ് വ്യക്തമാക്കി.
