എലിവിഷം ചേർത്തുവെച്ച തേങ്ങാകഷ്ണം അബദ്ധത്തിൽ കഴിച്ച വിദ്യാർത്ഥിനി മരിച്ചു

ആലപ്പുഴ : വീട്ടിൽ എലിയെ കൊല്ലുവാനുള്ള വിഷം ചേർത്തുവെച്ച തേങ്ങാകഷ്ണം അബദ്ധത്തിൽ കഴിച്ച വിദ്യാർത്ഥിനി മരിച്ചു. തകഴി കല്ലേപ്പുറത്ത് മണിക്കുട്ടി (15)യാണ് മരിച്ചത്. വീട്ടിൽ എലി ശല്യം രൂക്ഷമായതോടെ തേങ്ങാ കഷ്ണത്തിൽ എലിവിഷം വച്ചിരുന്നു . ഇതറിയാതെ വൈകുന്നരം സ്കൂൾ വിട്ട് വന്ന കുട്ടി തേങ്ങാ കഴിക്കുകയായിരുന്നു. ഈ സമയം വീട്ടിൽ ആരുമുണ്ടായിരുന്നില്ല. കുട്ടിയെ വണ്ടാനം മെഡിക്കൽ കോളജിലും പിന്നീട് കോട്ടയം മെഡിക്കൽ കോളേജിലും പ്രവേശിപ്പിച്ചെങ്കിലും മരണം സംഭവിക്കുകയായിരുന്നു .