ഭാര്യ ഭർത്താവിനെ തലയ്ക്കടിച്ചു കൊലപ്പെടുത്തി

പത്തനംതിട്ട : അട്ടത്തോട്ടിൽ ഭാര്യ ഭർത്താവിനെ തലയ്ക്കടിച്ചു കൊലപ്പെടുത്തി.
അട്ടത്തോട് പടിഞ്ഞാറേ കോളനിയിൽ ഓലിക്കൽ വീട്ടിൽ താമസിക്കുന്ന ചിറ്റാർ കൊടുമുടി സ്വദേശി രത്നാകരൻ (57) ആണ് മരിച്ചത്. ഞായർ അർധരാത്രിയിൽ നടന്ന സംഭവത്തിൽ ഭാര്യ ശാന്തയെ പമ്പ പൊലീസ് ഇന്നു പുലർച്ചെ അറസ്റ്റ് ചെയ്തു.
സ്ഥിരമായി മദ്യപിച്ച് എത്താറുള്ള രത്നാകരൻ ഭാര്യയുമായി വഴക്ക് പതിവാണെന്ന് സമീപ വാസികൾ പറഞ്ഞു

പതിവു പോലെ ഞായർ രാത്രിയിലും വഴക്ക് ഉണ്ടായി. ഈ സമയം ഭാര്യ ശാന്ത കമ്പി വടി ഉപയോഗിച്ച് രത്നാകരന്റെ തലയ്ക്ക് അടിക്കുകയായിരുന്നുവെന്ന് പമ്പ പൊലീസ് പറഞ്ഞു. സമീപവാസികൾ നിലയ്ക്കലിലെ പി എച്ച്സിയിൽ എത്തിച്ചെങ്കിലും മരിച്ചു. മൃതദേഹം പോസ്റ്റ്മോർട്ടത്തിനായി മാറ്റി