ശ്രീനഗർ : ജമ്മുവിലെ അതിർത്തി ജില്ലയായ അഖ്‌നൂരിലെ ബട്ടാൽ മേഖലയിൽ സൈനിക വാഹനത്തിന് നേരെയുണ്ടായ ആക്രമണത്തെ തുടർന്നുണ്ടായ ഏറ്റുമുട്ടലിൽ മൂന്ന് ഭീകരർ കൊല്ലപ്പെട്ടതായി റിപ്പോർട്ട് .രാവിലെ ഏഴ് മണിയോടെയായിരുന്നു അഖ്‌നൂരിൽ സൈനിക ആംബുലൻസിന് നേരെ ഭീകരാക്രമണമുണ്ടായത്. സൈനിക വസ്ത്രം ധരിച്ചെത്തിയ ഭീകരർ ആംബുലൻസിന് നേരെ വെടിയുതിർക്കുകയായിരുന്നു.
ആക്രമണത്തെ തുടർന്ന് സൈന്യം പ്രദേശം വളയുകയും ആറുമണിക്കൂറോളം ഏറ്റുമുട്ടൽ നീണ്ടുനിൽക്കുകയും ചെയ്തു.പ്രദേശത്ത് തിരച്ചിൽ തുടരുകയാണ്. ജമ്മു കശ്മീരിൽ അടുത്തിടെ നടന്ന തീവ്രവാദി ആക്രമണങ്ങളുടെ തുടർച്ചയായാണ് ഈ സംഭവം.
