എറണാകുളം : കൂത്താട്ടുകുളം കാക്കൂരിൽ പെട്രോൾ പമ്പിലേക്ക് ടൂറിസ്റ്റ് ബസ് ഇടിച്ചുകയറി മറിഞ്ഞു .വിവാഹസംഘവുമായി പോയ ബസാണ് മറിഞ്ഞത്. ബസിലുണ്ടായിരുന്ന 35 പേർക്ക് പരുക്കേറ്റു.പരിക്കേറ്റ നാലുപേരുടെ നില ഗുരുതരമാണ്.
കാലടിയിൽ നിന്ന് ഇലഞ്ഞിയിലേക്ക് വിവാഹച്ചടങ്ങിൽ പങ്കെടുക്കാൻ പോയ സംഘ സഞ്ചരിച്ച ബസാണ് അപകടത്തിൽ പെട്ടത് .ഇടതുവശത്തുകൂടി പോയ സ്കൂട്ടർ യാത്രികൻ വലതുവശത്തുള്ള പെട്രോൾ പമ്പിലേക്ക് പെട്ടെന്ന് കയറാൻ ശ്രമിച്ചപ്പോൾ സ്കൂട്ടറിൽ ഇടിക്കാതിരിക്കാൻ ബസ് വെട്ടിച്ചതാണ് അപകടകാരണം. പമ്പിലുണ്ടായിരുന്ന ബൈക്ക് യാത്രികൻ അത്ഭുതകരമായി രക്ഷപെട്ടു .അപകടത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.
