ചെന്നൈ : തമിഴ്നാട്ടിൽ വിജയ് മുഖ്യമന്ത്രിയാകുമെന്ന് പ്രവചിച്ച ജ്യോതിഷിയെ സ്പെഷൽ ഡ്യൂട്ടി ഓഫിസറായി നിയമിച്ചു .ജ്യോതിഷിയും ടിവികെ വക്താവുമായ റിക്കി രാധൻ പണ്ഡിറ്റിനെയാണ് ഒഎസ്ഡി ആയി നിയമിച്ചുകൊണ്ടുള്ള ഉത്തരവ് പുറത്തുവന്നത്. വിജയ് തമിഴ്നാട്ടിൽ അധികാരത്തിലെത്തുമെന്ന് 2024ൽ രാധൻ പണ്ഡിറ്റ് പ്രവചിച്ചിരുന്നു.
ചെന്നൈയിലെ രാഷ്ട്രീയ മണ്ഡലങ്ങളിൽ സുപരിചിതനായ വ്യക്തിയാണ് രാധൻ പണ്ഡിറ്റ്. വിജയ് ടിവികെ രൂപീകരിച്ചതുമുതൽ ആ പാർട്ടിയെ പിന്തുണച്ചിരുന്നു. ടിവികെ വക്താക്കൾ മാധ്യമങ്ങളെ കാണുമ്പോഴെല്ലാം റിക്കി രാധൻ പണ്ഡിറ്റും കൂടെ ഉണ്ടാവാറുണ്ടായിരുന്നു.
