അഹമ്മദാബാദ് : ഇന്ന് ഇന്ത്യയുടെ ഉരുക്ക് മനുഷ്യൻ സർദാർ വല്ലഭായ് പട്ടേലിന്റെ 149-ാം ജന്മദിനം രാഷ്‌ട്രീയ ഏകതാ ദിനമായി രാജ്യം ആഘോഷിക്കുന്നു. ഗുജറാത്തിലെ ഏകതാ നഗറിൽ പ്രധാനമന്ത്രി പുഷ്പാർച്ചന നടത്തി. തുടർന്ന് ഏകതാ ദിന പ്രതിജ്ഞ ചൊല്ലിക്കൊടുത്തു. ഒൻപത് സംസ്ഥാനങ്ങളിൽ നിന്നുള്ള 16 മാർച്ചിങ് സംഘങ്ങൾ, വിവിധ സേനകൾ, നാഷണൽ കേഡറ്റ് കോർപ്‌സ്, മാർച്ചിംഗ് ബാൻഡ് എന്നിവ ഉൾപ്പെടുന്ന ഏകതാ ദിന പരേഡിനും പ്രധാനമന്ത്രി സാക്ഷ്യം വഹിച്ചു.
ഇന്ത്യൻ വ്യോമസേനയുടെ സൂര്യ കിരൺ ഫ്ലൈപാസ്റ്റ് . ബിഎസ്എഫ്, സിആർപിഎഫ് പുരുഷ-വനിതാ ബൈക്കർമാരുടെ ഡെയർഡെവിൾ ഷോ, ബിഎസ്എഫിന്റെ ഇന്ത്യൻ ആയോധന കലകളുടെ പ്രദർശനം, സ്കൂൾ കുട്ടികളുടെ പൈപ്പ് ബാൻഡ് പ്രകടനം എന്നിവയും നടന്നു
