തിരുവല്ല: വെള്ളക്കെട്ടിൽ വീട്ടിൽ ഒറ്റപ്പെട്ടു പോയ വൃദ്ധയെ അഗ്നിരക്ഷാസേന എത്തി രക്ഷിച്ചു. ഇന്ന് ഉച്ചകഴിഞ്ഞുണ്ടായ ശക്തമായ മഴയിൽ വീട്ടിൽ കഴുത്തൊപ്പം വെള്ളത്തിൽ അകപ്പെട്ടു പോയ മഞ്ഞാടി തീപ്പിനി കട്ടത്തറ ഹൗസ് പൊന്നമ്മ ഡാനിയേൽ ആണ് വെളളക്കെട്ടിൽ അകപ്പെട്ടത്. തുടർന്ന് വൈകിട്ട് 4.50 ഓടെ അഗ്നിരക്ഷാസേന നിലയത്തിൽ സംഭവം അറിയിക്കുകയായിരുന്നു. ഉദ്യോഗസ്ഥർ എത്തി സുരക്ഷിത സ്ഥാനത്തേക്ക് മാറ്റി. വർഷങ്ങളായി ഇവിടെ ദുരിതം അനുഭിക്കുന്നതായി പ്രദേശവാസികൾ പറഞ്ഞു.
ഈ പ്രദേശത്ത് 9 വീട്ടുകാർ ആണ് ഉണ്ടായിരുന്നത്. രണ്ട് വീട്ടുകാർ ഒഴികെ മറ്റുള്ളവർ വീട് വാടയ്ക്ക് നൽകി മാറിയാണ് താമസിക്കുകയാണ്. ശക്തമായ മഴയിൽ വെളളം ഒഴുകി മാറാൻ സാധിക്കാത പോയതാണ് വെള്ളക്കെട്ടിന് കാരണമായത്.
ഗ്രേഡ് അസി. സ്റ്റേഷൻ ഓഫീസർ എൻ ആർ ശശികുമാർ ഉദ്യോഗസ്ഥരായ സണ്ണി, അശോക്, ജി കെ ഷിജു എന്നിവരാണ് രക്ഷാപ്രവർത്തനം നടത്തിയത്.
