തിരുവനന്തപുരം: കെഎസ്ആർടിസി ബസ് ഇടിച്ച് വിധവയായ സ്ത്രീയുടെ കൈ മുറിച്ചുമാറ്റി എന്ന പ്രമുഖ പത്ര മാധ്യമത്തിൽ വന്ന വാർത്ത തികച്ചും വസ്തുതാ വിരുദ്ധമെന്ന് അധികൃതർ സമൂഹ മാധ്യമത്തിലൂടെ അറിയിച്ചു. ഈ മാസം 4 ന് വൈകിട്ട് 3. 20ന് നെയ്യാറ്റിൻകരയിൽ നിന്നും മെഡിക്കൽ കോളേജിലേക്ക് സർവ്വീസ് നടത്തിയ ബസ് ആലുംമൂടിനും റ്റി ബി ജംഗ്ഷനും മധ്യേയുള്ള വൺവേയിലൂടെ കടന്നുപോകുമ്പോൾ അതേ ദിശയിൽ വരികയായിരുന്ന സ്കൂട്ടർ, ബസിൻ്റെ പുറകിൽ വന്നിടിച്ച് മറിഞ്ഞുവീണ് സ്കൂട്ടർ യാത്രക്കാരിക്ക് പരിക്ക് പറ്റുകയായിരുന്നു.
തുടർന്ന് സ്കൂട്ടർ യാത്രക്കാരിയെ നെയ്യാറ്റിൻകര ആശുപത്രിയിലേക്ക് കൊണ്ടുപോയി. ബസ്സിൻ്റെ പുറകിൽ തട്ടി വീണതാണെന്ന് യാത്രക്കാരി നെയ്യാറ്റിൻകര പോലീസിനെ അറിയിച്ചു.
