പുതുച്ചേരിയിൽ കനത്ത മഴയും വെള്ളപ്പൊക്കവും : രക്ഷാദൗത്യത്തിന് സൈന്യമെത്തി

ചെന്നൈ : ഫെം​ഗൽ ചുഴലിക്കാറ്റിന്റെ പ്രഭാവത്തിൽ പുതുച്ചേരിയിൽ കനത്ത മഴയും വെള്ളപ്പൊക്കവും.24 മണിക്കൂറിനിടെ 48.37 സെന്റിമീറ്റർ മഴയാണ് പുതുച്ചേരിയിൽ പെയ്തത്.മഴ കനത്തതോടെ പുതുച്ചേരിയിലെ നൂറുകണക്കിന് വീടുകളിലാണ് വെള്ളം കയറിയത്. പ്രദേശത്ത് രക്ഷാപ്രവര്‍ത്തനത്തിന് സൈന്യം ഇറങ്ങി.നൂറിലധികം പേരെ സൈന്യം രക്ഷപ്പെടുത്തി.ഇന്ന് രാത്രി വരെ അതിതീവ്ര മഴ തുടരുമെന്നാണ് മുന്നറിയിപ്പ്.പുതുച്ചേരി അടക്കം അഞ്ച് ജില്ലകളിൽ റെഡ് അലർട്ട് തുടരുകയാണ്. തമിഴ്നാട്ടിലെ 12 ജില്ലകളില്‍ ഓറഞ്ച് അലര്‍ട്ടും പ്രഖ്യാപിച്ചിട്ടുണ്ട്. മഴക്കെടുതിയിൽ ചെന്നൈയിൽ നാല് പേരാണ് മരിച്ചത്.