ആലപ്പുഴ :ആലപ്പുഴ നെടുമുടി വൈശ്യംഭാഗത്ത് റിസോർട് ജീവനക്കാരിയുടെ കൊലപാതകത്തിൽ പ്രതി അറസ്റ്റിൽ .കൊല്ലപ്പെട്ട ഹസീറ ഖാത്തൂന്റെ കാമുകനായിരുന്ന സഹാ അലിയാണു പിടിയിലായത്.അസമിലേക്ക് പോയി ഒരുമിച്ചു താമസിക്കണം എന്ന ഹസിറയുടെ നിര്‍ബന്ധമാണ് കൊലക്ക് പ്രേരിപ്പിച്ചതെന്നാണ് പ്രതിയുടെ മൊഴി .ഹസീറയും പ്രതി സഹാ അലിയുമായി 4 വർഷമായി പ്രണയത്തിലാണ്. സഹാ അലിക്ക് നാട്ടിൽ ഭാര്യയും കുട്ടികളുമുണ്ട്.
അസമിലേക്ക് കൊണ്ട് പോകാം എന്ന് പറഞ്ഞു സഹാ അലി രാത്രി റിസോർട്ടിലെത്തുകയും കൊല നടത്തുകയുമായിരുന്നു .ഹസിറയെ രാവിലെ കാണാതായതിനെ തുടർന്ന് റിസോർട് ഉടമ നടത്തിയ തിരച്ചലിലാണ് റിസോർട്ടിലെ മുറിക്ക് പുറത്ത് വാട്ടർടാങ്കിന് സമീപം കൊല്ലപ്പെട്ട നിലയിൽ കണ്ടെത്തിയത്.
