ശ്രീവല്ലഭ ക്ഷേത്രത്തില്‍ ദേശ കൊടിയേറി

തിരുവല്ല : ശ്രീവല്ലഭ മഹാക്ഷേത്രത്തിൽ ഉത്സവത്തോടനുബന്ധിച്ച് ക്ഷേത്രമതിലിന് പുറത്തുള്ള കൊടിമരത്തില്‍ ഇന്ന് ദേശ കൊടിയേറി. അഞ്ചാം ഉത്സവദിനമാണ് ദേശ കൊടിയേറുന്നത്. ദേശ കൊടിയേറുന്നതോടെ ഉത്സവത്തോടനുബന്ധിച്ചുള്ള  ഓട്ടന്‍ തുള്ളല്‍, ചാക്യാര്‍ കൂത്ത് തുടങ്ങിയ ക്ഷേത്ര കലകള്‍ക്ക് തുടക്കമാകും. മറ്റുള്ള ക്ഷേത്രങ്ങളില്‍ നിന്ന് വ്യത്യസ്തമായി ഭക്തര്‍ കൊടിയേറ്റുന്ന അപൂര്‍വ്വ ചടങ്ങ് എന്ന പ്രത്യേകത ഇതിനുണ്ട്. കൊടിമരത്തോളം നീളമുള്ള കൊടിക്കൂറയാണ് ഉയര്‍ത്തുന്നത്.