സംസ്ഥാനത്ത് എസ്ഡിപിഐ പ്രവർത്തകരുടെ വീട്ടിൽ ഇഡി റെയ്ഡ്

കോട്ടയം : സംസ്ഥാനത്ത് രണ്ടിടത്ത് എസ്ഡിപിഐ പ്രവർത്തകരുടെ വീട്ടിൽ ഇഡി റെയ്ഡ്. കോട്ടയത്തും പാലക്കാടും ആണ് ഇഡി റെയ്ഡ് നടക്കുന്നത്.കോട്ടയം വാഴൂർ സ്വദേശി നിഷാദ് വടക്കേമുറിയിലിന്റെ വീട്ടിലാണ് ഡൽഹിയിൽനിന്നുള്ള ഇ.ഡി സംഘം പരിശോധന നടത്തിയത്.രാവിലെ 9.30 യോടെയാണ് റെയ്ഡ് തുടങ്ങിയത്. ഇയാൾ പിഎഫ്ഐ ഡിവിഷണൽ സെക്രട്ടറിയായിരുന്നു. പാലക്കാട് ജില്ലയിലെ ഒറ്റപ്പാലം പനമണ്ണയിൽ പ്രവാസിയായ കബീർ എന്നയാളുടെ വീട്ടിലും പരിശോധന നടന്നു.രാവിലെ ഏഴ് മണിക്ക് തുടങ്ങിയ പരിശോധന ഇപ്പോഴും തുടരുകയാണ്.