തിരുവല്ല : ഏകത ഫാർമർ പ്രൊഡ്യൂസർ കമ്പനിയുടെ ആഭിമുഖ്യത്തിൽ അപ്പർ കുട്ടനാട്ടിലെ കർഷകരുടെ കാർഷിക ഉൽപ്പന്നങ്ങളും നാടൻ ഉൽപ്പന്നങ്ങളും വാങ്ങുന്നതിനും വിൽക്കുന്നതിനും വേണ്ടിയുള്ള ആദ്യത്തെ നാട്ടുപീടിക പെരിങ്ങര പഞ്ചായത്തിലെ വേങ്ങലിൽ തുടങ്ങി. ഏകത ഫാർമർ പ്രൊഡ്യൂസർ കമ്പനി ചെയർമാൻ ഹരികൃഷ്ണൻ എസ് പിള്ള ആദ്യ വില്പന നടത്തി ഉദ്ഘാടനം ചെയ്യ്തു.
പെരിങ്ങര പഞ്ചായത്തിൽ നിന്നുള്ള കർഷകരും ഡയറക്ടർ ബോർഡ് അംഗങ്ങളായ രവീന്ദ്രനാഥ്, സുജാത രാമചന്ദ്രൻ, പെരിങ്ങര പഞ്ചായത്ത് മെമ്പറും ഏകത ഡയറക്ടർ ബോർഡ് മെമ്പറുമായ ചന്ദ്രു എസ്സ് കുമാർ സിഇഒ ജിത്തു വിലാസ് ചന്ദ്രൻ എന്നിവർ പങ്കെടുത്തു.
