വയനാട് :പൂക്കോട് വെറ്റിനറി കോളേജിലെ രണ്ടാം വർഷ വിദ്യാർത്ഥി സിദ്ധാർത്ഥനെ മരിച്ച നിലയിൽ കണ്ടെത്തിയ ഹോസ്റ്റൽ ശുചിമുറിയിൽ സിബിഐ ഡമ്മി പരിശോധന നടത്തി.സിദ്ധാർത്ഥൻ്റെ തൂക്കവും ഉയരവുമുള്ള ഡമ്മി എത്തിച്ചായിരുന്നു ശാസ്ത്രീയ പരിശോധന.സിദ്ധാർത്ഥൻ ക്രൂരമർദനം നേരിട്ട മുറി, ആൾക്കൂട്ട വിചാരണയ്ക്ക് ഇരയായ നടുമുറ്റം,തൂങ്ങിമരിച്ചനിലയിൽ കണ്ടെത്തിയ ശുചിമുറി എന്നിവിടങ്ങളിലെല്ലാം അന്വേഷണ സംഘം പരിശോധന നടത്തി.
ഇന്ന് രാവിലെയാണ് എസ് പി മാരായ സുന്ദർവേൽ, എ.കെ.ഉപാധ്യായ എന്നിവരുടെ നേതൃത്വത്വത്തിലുള്ള സംഘം കോളജ് ഹോസ്റ്റലിൽ എത്തിയത്.സിദ്ധാർത്ഥനെ മരിച്ച നിലയിൽ കണ്ടെത്തിയ സമയത്ത് ഉള്ളവരെല്ലാം സിബിഐയുടെ ആവശ്യാനുസരണം ഹോസ്റ്റലിൽ എത്തിയിരുന്നു.
