തിരുവനന്തപുരത്ത് കെഎസ്ആർടിസി ബസും ലോറിയും കൂട്ടിയിടിച്ച് നിരവധി പേർക്ക് പരിക്ക്

തിരുവനന്തപുരം : കെഎസ്ആർടിസി ബസും ലോറിയും കൂട്ടിയിടിച്ച് നിരവധി പേർക്ക് പരിക്ക്. മണ്ണന്തല മരുതൂരിൽ ഇന്ന് പുലർച്ചെയോടെയാണ് അപകടമുണ്ടായത്. തിരുവനന്തപുരത്ത് നിന്നും മൂഴിയാറിലേക്ക് പോകുന്ന ബസിൽ എതിരെ വന്ന ലോറി ഇടിക്കുകയായിരുന്നു. 26 യാത്രക്കാരാണ് ബസിൽ ഉണ്ടായിരുന്നത്. ഇരുപതോളം പേർക്ക് പരുക്കേറ്റുവെന്നും രണ്ട് വാഹനങ്ങളിലെയും ഡ്രൈവർമാർ ഉൾപ്പെടെ ചിലരുടെ നില ഗുരുതരമാണെന്നുമാണ് വിവരം. ലോറി ഡ്രൈവറെയും ബസ് ഡ്രൈവറെയും ഫയർഫോഴ്സ് എത്തി വാഹനങ്ങൾ വെട്ടിപൊളിച്ചാണ് പുറത്തെടുത്തത്.