തിരുവല്ല : മെന്‍സ്ട്രല്‍ കപ്പ് വിപ്ലവമൊരുക്കാന്‍ നെടുമ്പ്രം ഗ്രാമ പഞ്ചായത്ത്. നെടുമ്പ്രം ഗ്രാമപഞ്ചായത്തിന്റെ 2023-24 പദ്ധതിയിൽ ഉൾപ്പെടുത്തി പദ്ധതി നിർവഹണം നെടുമ്പ്രം പ്രാഥമിക ആരോഗ്യ കേന്ദ്രത്തിന് കൈമാറി. സാധാരണക്കാരായ സ്ത്രീകൾക്ക് സാമ്പത്തികമായും ആരോഗ്യപരമായും ഏറെ ഉപകാരപ്പെടുന്ന ഒന്നായാണ് ഈ പദ്ധതിയെ കാണുന്നതെന്നും വരും വർഷത്തിനുള്ളിൽ പഞ്ചായത്തിലെ അർഹതയുള്ള മുഴുവൻ സ്ത്രീകൾക്കും മെൻസ്‌ട്രൽ കപ്പ് നൽകുകയാണ് ലക്ഷ്യമെന്നും നെടുമ്പ്രം ഗ്രാമപഞ്ചായത്ത് പ്രസിഡൻറ് ടി പ്രസന്നകുമാരി അറിയിച്ചു.
ഗ്രാമപഞ്ചായത്ത് സ്ഥിരം സമിതി അധ്യക്ഷന്മാർ ,പഞ്ചായത്ത് മെമ്പർമാർ, നിർവാഹണ ഉദ്യോഗസ്ഥർ , ആശാപ്രവർത്തകർ ,ഹെൽത്ത് ഇൻസ്പെക്ടർ എന്നിവർ ചടങ്ങിൽ പങ്കെടുത്തു.
