തിരുവല്ല: വൈ എം സി എ സബ് – റീജൺ സമിതിയുടെ നേതൃത്വത്തിൽ നടത്തിയ ഇൻ്റർ വൈഎം സി എ ക്വിസ് മത്സരത്തിൽ നിരണം, കുമ്പനാട് വൈ എം സി എ കൾ ഒന്നാം സ്ഥാനം കരസ്ഥമാക്കി. കവിയൂർ വൈ.എം.സി.എ യാണ് രണ്ടാം സ്ഥാനം നേടിയത്.
മത്സരങ്ങളുടെ ഉദ്ഘാടനം വൈ.എം.സി.എ സംസ്ഥാന യൂത്ത് വർക്ക് കമ്മിറ്റി ചെയർമാൻ ലിനോജ് ചാക്കോ ഉദ്ഘാടനം ചെയ്തു. സബ് – റീജൺ ചെയർമാൻ ജോജി പി. തോമസ് അദ്ധ്യക്ഷത വഹിച്ചു.
ജനറൽ കൺവീനർ സുനിൽ മറ്റത്ത്, വൈസ് ചെയർമാൻ അഡ്വ. നിതിൻ കടവിൽ, പ്രോഗ്രാം കൺവീനർ എലിസബേത്ത് കെ. ജോർജ്, മുൻ ചെയർമാൻമാരായ വർഗീസ് ടി. മങ്ങാട്, അഡ്വ. ജോസഫ് നെല്ലാനിക്കൽ, കെ.സി മാത്യു, റെജി പോൾ, സാബു ആലംഞ്ചേരിൽ എന്നിവർ പ്രസംഗിച്ചു.
