കാട്ടാനയുടെ ആക്രമണം: മാധ്യമ പ്രവർത്തകന് ദാരുണാന്ത്യം

പാലക്കാട് :പാലക്കാട് കാട്ടാനയുടെ ആക്രമണത്തിൽ മാത‍ൃഭൂമി ന്യൂസ് ക്യാമറാമാൻ എ.വി.മുകേഷ് (34) അന്തരിച്ചു.. മലപ്പുറം പരപ്പനങ്ങാടി സ്വദേശിയാണ്‌. രാവിലെ പാലക്കാട് കൊട്ടേക്കാട് കാട്ടാനക്കൂട്ടം പുഴ മുറിച്ചു കടക്കുന്നതിന്റെ ദൃശ്യം പകർത്തുന്നതിനിടെയാണ് ആനയുടെ ആക്രമണം ഉണ്ടായത്. ആക്രമണത്തിൽ മുകേഷിന്റെ ഇടുപ്പിന് പരിക്കേറ്റു. ഉടൻ പാലക്കാട് ജില്ലാ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.