തിരുവനന്തപുരം : നടൻ മണിയൻപിള്ള രാജു ഓടിച്ച കാർ ഇടിച്ച് ബൈക്ക് യാത്രക്കാരായ യുവാക്കൾക്ക് ഗുരുതര പരിക്ക്.നിവേദിത് കൃഷ്ണ, സൂരജ് എന്നിവർക്കാണു ഗുരുതരമായ പരുക്കേറ്റത്.ട്രിവാൻഡ്രം ക്ലബ്ബിനു മുന്നിൽ ഇന്നലെ രാത്രിയായിരുന്നു ആയിരുന്നു അപകടം. അപകടമുണ്ടായ ശേഷം വാഹനം നിർത്താതെ പോയി. മ ണിയൻ പിള്ള രാജു തന്നെയാണ് കാർ ഓടിച്ചതെന്ന് പോലീസ് സ്ഥിരീകരിച്ചിട്ടുണ്ട് .
പരിക്കേറ്റ യുവാക്കൾ തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലാണ്. നിവേദിതിന്റെ കാലുകൾ‌ക്കും സൂരജിന്റെ നട്ടെല്ലിനും ഒടിവുണ്ട്. അപകടം മനഃപ്പൂർവ്വം അല്ലെന്നും താൻ മദ്യലഹരിയിൽ അല്ലായിരുന്നുവെന്നും പേടികൊണ്ടാണ് വണ്ടി നിർത്താത്തത് എന്നും മണിയൻപിള്ള രാജു പറഞ്ഞു . അപകടത്തിൽ കേസെടുത്ത മ്യൂസിയം പോലീസ് സ്‌റ്റേഷനിൽ ഹാജരാകാമെന്ന് നടൻ അറിയിച്ചു.
