കൊച്ചി : കൊച്ചിയിൽ വാഹന പരിശോധനയ്ക്കിടെ പൊലീസ് ഉദ്യോഗസ്ഥനെ കാറിടിച്ച് അപായപ്പെടുത്താൻ ശ്രമിച്ച രണ്ടു പേർ പിടിയിൽ.എറണാകുളം നോർത്ത് സ്റ്റേഷൻ എഎസ്ഐ പി.എൻ. സന്തോഷിനാണ് പരുക്കേറ്റത്.കൊല്ലം സ്വദേശി ഷംനാദ്, ഇർഷാദ് എന്നിവരെയാണ് പിടികൂടിയത്.അപകടമുണ്ടാക്കിയ കാർ പോലീസ് കൊല്ലത്ത് നിന്ന് കസ്റ്റഡിയിലെടുത്തു.
ഇന്നലെ രാത്രി പതിനൊന്നരയോടെയാണു സംഭവം. വാഹന പരിശോധന നടക്കുന്നതിനിടെ കടന്നുവന്ന കാർ നിർത്താൻ പൊലീസുകാർ ആവശ്യപ്പെട്ടു.ആദ്യം വേഗത കുറച്ച ശേഷം പെട്ടെന്ന് വേഗം കൂട്ടി കാർ ചീറിപ്പായുകയായിരുന്നു. ബോണറ്റിലേക്ക് വീണ സന്തോഷുമായി കാർ അൽപദൂരം മുന്നോട്ടു പാഞ്ഞു. ഇതിനുപിന്നാലെ സഡൻ ബ്രേക്കിട്ടതോടെ. എഎസ്ഐ റോഡിലേക്ക് തെറിച്ചുവീഴുകയായിരുന്നു.
