എടത്വ: രാജ്ഭവനിൽ നിന്ന് പടിയിറങ്ങിയ പശ്ചിമ ബംഗാൾ മുൻ ഗവർണർ സി വി ആനന്ദബോസ് ഐഎഎസ് ചക്കുളത്തുകാവ് ഭഗവതി ക്ഷേത്രത്തിൽ ദർശനം നടത്തി. കഴിഞ്ഞ ദിവസം രാവിലെയാണ് ക്ഷേത്രത്തിൽ എത്തിയത്. തുടർന്ന് ക്ഷേത്രത്തിൽ രണ്ട് മണിക്കൂറോളം ചിലവഴിച്ചു. ഗവണറുടെ ഔദ്യോഗിക വാഹനത്തിൽ പോലീസിൻ്റെയും സ്പെഷ്യൽ സെക്യൂരിറ്റിയുടെയും അകമ്പടിയിലാണ് ക്ഷേത്രത്തിൽ എത്തിച്ചേർന്നത്.
ഗവർണ്ണർ പദവി ലഭിച്ച സമയത്തു സി.വി ആനന്ദബോസ് ചക്കുളത്തുകാവ് ക്ഷേത്രത്തിൽ എത്തി ദർശനം നടത്തിയ ശേഷമാണ് ചുമതല ഏറ്റെടുത്തിരുന്നത്. ചക്കുളത്തമ്മയെ ദർശിച്ച് പ്രാർത്ഥിക്കുമ്പോൾ മനസ്സിന് സമാധാനവും ശാന്തിയും ലഭിക്കുമെന്നും അദ്ദേഹം പറഞ്ഞു. സുരക്ഷാ ഉദ്യോഗസ്ഥരും അദ്ദേഹത്തിന് ഒപ്പമുണ്ടായിരുന്നു.
