കൊച്ചി : വെള്ളാപ്പള്ളി നടേശൻ ഉപ്പേടെയുള്ള എസ്എൻഡിപി യോഗം ഭാരവാഹികളെ അയോഗ്യരാക്കിക്കൊണ്ടുള്ള ഹൈക്കോടതി സിംഗിൾ ബെഞ്ച് ഉത്തരവ് ഡിവിഷൻ ബെഞ്ച് സ്റ്റേ ചെയ്തു.അപ്പീലിൽ എതിർകക്ഷികൾക്ക് കോടതി നോട്ടീസയച്ചു .എസ്എൻഡിപി യോഗം ഭാരവാഹികളെ അയോഗ്യരാക്കിയ സംഭവത്തിൽ വെള്ളാപ്പള്ളി നടേശൻ ഹൈക്കോടതിയിൽ സമർപ്പിച്ച അപ്പീലിലാണ് നടപടി.
സിംഗിൾ ബഞ്ച് ഉത്തരവ് നിയമവിരുദ്ധവും അധികാര പരിധിക്ക് പുറത്തുള്ളതുമാണെന്ന് അപ്പീലിൽ പറയുന്നു .കമ്പനി നിയമപ്രകാരമുള്ള തർക്കങ്ങൾ പരിഹരിക്കേണ്ടത് നാഷണൽ കമ്പനി ലോ ട്രൈബ്യൂണലിലാണ്.അതിൽ കോടതിയ്ക്ക് ഇടപെടാനാകില്ലെന്നും അപ്പീലിൽ വാദിച്ചു .കമ്പനി നിയമ പ്രകാരം നൽകേണ്ട വാർഷിക റിട്ടേൺ സമർപ്പിക്കുന്നതിൽ ഉൾപ്പെടെ വീഴ്ചയുണ്ടായെന്നും ഡയറക്ടർ ഐഡന്റിഫിക്കേഷൻ നമ്പർ ഡയറക്ടർമാർക്കില്ലെന്നതും ചൂണ്ടിക്കാട്ടിയിരുന്നു സിംഗിൾ ബെഞ്ച് ഉത്തരവ് .
