ചങ്ങനാശ്ശേരി: നഗരത്തിൽ യുവാക്കളെ വെട്ടി പരിക്കേൽപ്പിക്കുകയും ഭീകരാന്തരീക്ഷം സൃഷ്ടിക്കുകയും ചെയ്ത സ്ഥിരം കുറ്റവാളികൾ അറസ്റ്റിൽ. ചങ്ങനാശ്ശേരി സ്വദേശികളായ വിമൽ, സിയാദ് എന്നിവരാണ് പിടിയിലായത്. കഴിഞ്ഞ 9-ന് രാത്രി 11 മണിയോടുകൂടിയായിരുന്നു സംഭവം.
യുവാക്കളുമായി ഉണ്ടായ വാക്കുതർക്കെതിരെ തുടർന്ന് പ്രതികൾ വടിവാൾ ഉപയോഗിച്ച് വെട്ടുകയായിരുന്നു. നഗരത്തിലൂടെ ബൈക്കിൽ സഞ്ചരിച്ച തോട്ട എറിഞ്ഞും വടിവാൾ വീശി ഭീകരാന്തരീക്ഷവും സൃഷ്ടിച്ചു. സംഭവത്തിൽ വാഴപ്പള്ളി സ്വദേശി കൃഷ്ണരാജിന് ഗുരുതരമായി പരിക്കേറ്റിരുന്നു. സുഹൃത്തായ അരവിന്ദിനും പരിക്കേറ്റിരുന്നെങ്കിലും ഗുരുതരമായിരുന്നില്ല. സംഭവത്തിൽ അന്വേഷണം ഊർജിതമാക്കിയ പോലീസ് ഇരുവരെയും എറണാകുളത്തു നിന്ന് പിടികൂടി.
