ചങ്ങനാശേരി: കേരളാ ലേബർ മൂവ്മെന്റ് നേതൃത്വത്തിൽ ചങ്ങനാശേരിയിൽ മെയ് ഒന്നിന് വിപുലമായി സംഘടിപ്പിക്കുന്ന മെയ്ദിന റാലിയുടെയും തൊഴിലാളി മഹാസംഗമത്തിൻ്റെയും സ്വാഗതസംഘം ഉദ്ഘാടനം ചങ്ങനാശേരി അതിരൂപതാ പ്രോട്ടോ സിഞ്ചല്ലൂസ് വെരി റവ ഫാ ആന്റണി ഏത്തക്കാട്ട് നിർവഹിച്ചു. മെയ്ദിനറാലിയിലും തൊഴിലാളി മഹാസംഗമത്തിലും ചങ്ങനാശേരി അതിരൂപതയുടെ വിവിധ ഭാഗങ്ങളിൽ നിന്നുള്ള ആയിരക്കണക്കിന് തൊഴിലാളികൾ അണിചേരും.
അതിരൂപതാ ഡയറക്ടർ റവ ഫാ ജോസഫ് ചമ്പക്കുളത്തിൽ, ജനറൽ സെക്രട്ടറി സെബാസ്റ്റ്യൻ പിജെ, ജോയിന്റ് സെക്രട്ടറിമാരായഷാജി കോര, ലാലി ബോബൻ, റാലി കൺവീനർഷൈജു തോമസ്, പ്രോഗ്രാം കൺവീനർ റ്റിസൺ തോമസ്, രജിസ്ട്രേഷൻ കൺവീനർമാരായ റെനി കുര്യാക്കോസ്, ലീന ജോഷി, ഫുഡ് കൺവീനർ ജെയ്സ് ജേക്കബ്, പാർക്കിംഗ് കൺവീനർ സോണി പി ജോർജ്, പബ്ലിസിറ്റി കൺവീനർമാരായ സിനു ഫിലിപ്പ് , കുഞ്ഞുമോൻ പി ജെ , മീഡിയ കൺവീനർ ജോൺ സെബാസ്റ്റ്യൻ എന്നിവർ നേതൃത്വം നൽകുന്ന കമ്മിറ്റി രൂപീകരിച്ചു പ്രവർത്തനമാരംഭിച്ചു.
