തിരുവല്ല: യോഗാസന സ്പോർട്സ് അസോസിയേഷൻ ഓഫ് കേരള ഒന്നാമത് സ്റ്റേറ്റ് പാര- യോഗാസന ജഡ്ജസ് പരിശീലനം തിരുവല്ല വൈഎംസിഎയിൽ സംഘടിപ്പിച്ചു. തിരുവല്ല നഗരസഭ ചെയർപേഴ്സൺ ലേഖ എസ് ഉദ്ഘാടനം നിർവഹിച്ചു. പത്തനംതിട്ട യൂണിറ്റ് പ്രസിഡന്റ് ജി.വിനോദ് കുമാർ അധ്യക്ഷത വഹിച്ചു.
യോഗാസന സ്പോർട്സ് അസോസിയേഷൻ ഓഫ് കേരള ജനറൽ സെക്രട്ടറി സി.ബി. ജ്യോതിഷ്, ചക്കുളത്ത്കാവ് ദേവി ക്ഷേത്രം മുഖ്യ കാര്യദർശി മണിക്കുട്ടൻ തിരുമേനി, സംസ്ഥാന ജോയിന്റ് സെക്രട്ടറി കുട്ടപ്പൻ എ.ടി, എക്സിക്യൂട്ടീവ് അംഗങ്ങളായ ഹരീന്ദ്രനാഥ്, ബിജുകാരായി, ജില്ല സെക്രട്ടറി മുരുകൻ ആർ, ജില്ലാ സ്റ്റാൻഡിങ് കമ്മിറ്റി ചെയർമാൻ പി. കെ. ഗോപിദാസ് എന്നിവർ പ്രസംഗിച്ചു.
സംസ്ഥാന ജോയിന്റ് സെക്രട്ടറി രവിശങ്കർ. കെ, ട്രഷറർ ബേബിമോൻ എം.ആർ, സ്റ്റേറ്റ് പാര സ്റ്റാൻഡിങ് കമ്മിറ്റി ഡയറക്ടർ പ്രദീപ് പയ്യനാട്ട്, റീഹാബിലിറ്റേഷൻ പ്രൊഫഷണൽ ഫൈസ് മുഹമ്മദു എന്നിവർ പരിശീലന ക്ലാസുകൾക്ക് നേതൃത്വം നൽകി.
