മാവേലിക്കര: അഞ്ചു ദിവസം മുൻപ് വീട്ടിൽ നിന്നും ജോലിക്ക് പോയ യുവതിയുടെ മൃതദേഹം പമ്പയാറ്റിലെ പുളിക്കീഴ് ഭാഗത്ത് കണ്ടെത്തി. ഈരേഴ വടക്ക് ദേവീവിലാസത്തിൽ ധന്യ കൃഷ്ണ (29)യുടെ മൃതദേഹമാണ് പോലീസ് നടത്തിയ തിരച്ചിലിൽ അഴുകിയ നിലയിൽ കണ്ടെത്തിയത്.
തിരുവല്ലയിൽ സ്വകാര്യ ആശുപത്രിയിൽ ലാബ് ടെക്നീഷ്യയായ യുവതി ഏപ്രിൽ 26-ന് വൈകീട്ട് ജോലിക്കായി ചെട്ടികുളങ്ങരയിൽ നിന്നും തിരുവല്ലയിലേക്ക് പോയതാണ്. യുവതിയെ കാണാനില്ലെന്ന പരാതിയെ തുടർന്ന് മാവേലിക്കര പോലീസ് ഭർത്താവിന്റെ മൊഴിയെടുത്ത് അന്വേഷണം നടത്തിവരികയായിരുന്നു.
സി.സി.ടി.വി. ദൃശ്യങ്ങൾ കേന്ദ്രീകരിച്ചുള്ള അന്വേഷണത്തെ തുടർന്ന് പമ്പയാറ്റിൽ നടത്തിയ തിരച്ചിലിലാണ് വെള്ളിയാഴ്ച മൃതദേഹം കണ്ടെത്തിയത്. പോലീസ് മേൽ നടപടി സ്വീകരിച്ചു.
