ന്യൂഡൽഹി : നീറ്റ്–യുജി 2026 പുനഃപരീക്ഷയുടെ മുന്നോടിയായി ടെലിഗ്രാമിനെതിരെ കടുത്ത നിയന്ത്രണവുമായി കേന്ദ്ര സർക്കാർ . ടെലഗ്രാമിന് താൽക്കാലിക നിയന്ത്രണം ഏര്പ്പെടുത്തി. ടെലഗ്രാം ആക്സസ് ജൂൺ 22 വരെയാണ് പരിമിതപ്പെടുത്തിയിരിക്കുന്നത്.മെസേജ് എഡിറ്റ് ചെയ്യുന്നതിനുള്ള സംവിധാനം 30 വരെയും വിലക്കിയിട്ടുണ്ട്.21 നാണ് പുനഃപരീക്ഷ.
നിരവധി ടെലഗ്രാം ചാനലുകളും ബോട്ടുകളും നീക്കം ചെയ്തിട്ടുണ്ട്.ചോദ്യപേപ്പർ ചോർത്തുന്ന റാക്കറ്റുകൾ ടെലിഗ്രാം ചാനലുകൾ ഉപയോഗിക്കുന്നുവെന്ന കണ്ടെത്തലിന്റെ അടിസ്ഥാനത്തിൽ എൻടിഎയുടെ അഭ്യർഥന മാനിച്ചാണ് കേന്ദ്ര ടെലികോം മന്ത്രാലയം താൽക്കാലിക നിയന്ത്രണം ഏർപ്പെടുത്തിയത്.
