പത്തനംതിട്ട: ബൈക്ക് നിയന്ത്രണം വിട്ട് തോട്ടിലേക്ക് മറിഞ്ഞ് യുവാവിന് ദാരുണാന്ത്യം. തലച്ചിറ സ്വദേശി അദ്വൈത് (29)ആണ് മരിച്ചത്. വടശ്ശേരിക്കര ചെങ്ങറ മുക്ക് ഓട്ടോ സ്റ്റാൻഡിന് എതിർവശത്തുള്ള തോട്ടിലാണ് അപകടമുണ്ടായത്.
കഴിഞ്ഞദിവസം രാത്രി 12 ന് ആയിരുന്നു അപകടം നടന്നതെന്നാണ് വിവരം.
തലച്ചിറ ഭാഗത്തുനിന്നും ഇറക്കം ഇറങ്ങിവന്ന ബൈക്ക് നിയന്ത്രണം തെറ്റി റോഡിന് എതിർവശത്തുള്ള തോട്ടിലേക്ക് മറിയുകയായിരുന്നു. ബൈക്കിൽ രണ്ട് യുവാക്കളാണ് ഉണ്ടായിരുന്നത്. അപകടത്തിൽ ഒപ്പമുണ്ടായിരുന്ന മറ്റേയാൾക്ക് പരിക്കുകളൊന്നുമില്ലാതെ രക്ഷപെട്ടു.
രാത്രിയിലാണ് അപകടം നടന്നത്. വിജനമായ പ്രദേശമായതിനാൽ ഇന്ന് രാവിലെ ആറുമണിവരെ അപകടവിവരം പുറംലോകം അറിഞ്ഞിരുന്നില്ല. രാവിലെ നാട്ടുകാരാണ് തോട്ടിൽ അപകടത്തിൽപ്പെട്ട നിലയിൽ ബൈക്കും യുവാക്കളെയും കണ്ടെത്തിയത്.
ഉടൻ തന്നെ രക്ഷാപ്രവർത്തനം നടത്തിയെങ്കിലും അദ്വൈതിന്റെ ജീവൻ രക്ഷിക്കാനായില്ല. മൃതദേഹം തുടർനടപടികൾക്കായി ആശുപത്രിയിലേക്ക് മാറ്റി. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
ആണ് മരിച്ചത്. വടശ്ശേരിക്കര){kind=link}