തിരുവനന്തപുരം : സമസ്ത കേരള സാഹിത്യ പരിഷത്തിന്റെ ശതാബ്ദി പുരസ്കാരം പരിഷത്ത് പ്രസിഡണ്ട് ഡോ. ടി. എസ് ജോയി പ്രശസ്ത എഴുത്തുകാരനായ ജി. എൻ പണിക്കർക്ക് സമർപ്പിച്ചു. മലയാള ഭാഷയ്ക്കും സാഹിത്യത്തിനും അദ്ദേഹം നൽകിയ സമഗ്ര സംഭാവന പരിഗണിച്ചാണ് സാഹിത്യ പരിഷത്തിന്റെ ജന്മ ശതാബ്ദി വർഷത്തിൽ ഏർപ്പെടുത്തിയ പ്രത്യേക പുരസ്കാരം നൽകിയത്. അമ്പതിനായിരം രൂപയും ശില്പവും അടങ്ങുന്നതാണ് അവാർഡ്.
സാഹിത്യ പരിഷത്ത് വൈസ് പ്രസിഡണ്ട് ഡോ. എം സി ദിലീപ് കുമാർ, ജനറൽ സെക്രട്ടറി ഡോ. നെടുമുടി ഹരികുമാർ , ട്രഷറർ ഡോ.അജിതൻ മേനോത്ത്, ഭാരവാഹികളായ ഡോ. കെ.വി മോഹൻകുമാർ, ഡോ. കായംകുളം യുനുസ്, എൽ. വി ഹരികുമാർ, ഡോ.ടി.പി ശങ്കരൻകുട്ടി നായർ എന്നിവർ പ്രസംഗിച്ചു.
