Saturday, November 21, 2026
No menu items!

subscribe-youtube-channel

HomeNewsപശ്ചിമേഷ്യൻ സംഘർഷം:...

പശ്ചിമേഷ്യൻ സംഘർഷം: വിലക്കയറ്റത്തിൽ ക്ഷീര കർഷകർ പ്രതിസന്ധിയിൽ

പത്തനംതിട്ട: പശ്ചിമേഷ്യൻ യുദ്ധം കാരണമുണ്ടായ വിലക്കയറ്റത്തിൽ
ക്ഷീര കർഷകരും വളർത്തു മൃഗങ്ങളെ പരിപാലിച്ച് സംരക്ഷിക്കുന്നവരും പ്രതിസന്ധിയിൽ. സർക്കാരിൻ്റെ ഭാഗത്ത് നിന്ന് ആശ്വാസ നടപടികൾ ഇല്ലാത്തതും തിരിച്ചടിയാകുന്നു. വളർത്തു മൃഗങ്ങളുടെ പരിപാലന ചെലവ് കുത്തനെ വർധിച്ചതാണ് ഉടമകളെ പ്രതിസന്ധിയിലാക്കിയത്. നിത്യോപയോഗ സാധനങ്ങളുടെ വില കയറ്റവും  വളർത്തു മൃഗങ്ങൾക്കാവശ്യമായ തീറ്റിയുടെ ഭീമമായ ചെലവുമാണ് ഉടമകളെ വലയ്ക്കുന്നത്.

ക്ഷീര കർഷകരും സാധാരണക്കാരും ചെറുകിട കർഷകരും വരെ മൃഗ പരിപാലനത്തിന് ഭീമമായ തുക ചെലവഴിക്കേണ്ട ഗതികേടിലാണ്. അരുമയായി വളർത്തി കൊണ്ടുവരുന്ന മൃഗങ്ങൾ ഇപ്പോൾ മിക്ക കുടുംബങ്ങൾക്കും ബാധ്യതയായി മാറിക്കഴിഞ്ഞു.

ബെംഗളൂരു, ചെന്നൈ, ഗോവ എന്നിവിടങ്ങളിൽ നിന്ന് എത്തിച്ച വിദേശ ഇനം പൂച്ച, നായ എന്നിവയുടെ കുഞ്ഞുങ്ങളെ വിൽപന നടത്താൻ പോലും പറ്റുന്നില്ലെന്നാണ് അരുമ മൃഗങ്ങളെ വളർത്തുന്ന കുടുംബങ്ങളുടെ പരാതി. വാങ്ങിയ വിലയുടെ പകുതി പോലും ലഭിക്കാത്തതിനാൽ അവരും നിരാശയിലാണ്.

കേരളത്തിൽ ഇവയുടെ ബ്രീഡിംഗ് ഇല്ലാത്തതാണ് പ്രശ്‌നം. വിദേശ ഇനത്തിൽപ്പെട്ട പൂച്ചയുടെ ഒരു മാസത്തെ പരിപാലന ചെലവ് 5500 രൂപയോളം വരും. വിദേശ ഇനം നായയ്ക്ക് തന്നെ ഒരു മാസത്തെ ചെലവിന് 5000 രൂപയിലധികം ചെലവാക്കണം.   ഇവയ്ക്കുള്ള തീറ്റ കേരളത്തിൽ ഒരിടത്തും  ഉൽപ്പാദിപ്പിക്കാത്തതിനാൽ സംസ്ഥാനത്തിന് പുറത്ത് നിന്നാണ് വരുത്തുന്നത്. അതിനായി വലിയ വിലയും നൽകണം.

വളർത്തു മൃഗങ്ങളുടെ രോഗ പ്രതിരോധ വാക്സീനും വലിയ വിലയാണ് വിപണിയിലുള്ളത്. ഇതെല്ലാം സ്വകാര്യ കമ്പനികളാണ് ഉൽപ്പാദിപ്പിക്കുന്നത്. ആൻ്റി റേബിസിന് മാത്രമേ സർക്കാർ സബ്‌സിഡി ഉള്ളൂ. പുച്ചയുടെയും നായയുടെയും ഗ്രൂമിങ്ങിനും വലിയ വിലയാണ് ഈടാക്കുന്നത്. ഇവയെ കുളിപ്പിക്കുന്ന ഷാംപുവിനും സോപ്പിനും വരെ 100 മുതൽ 1000 രൂപ വരെയാണ് വില.  പെറ്റ് ഗ്രൂമിങ് സെൻ്ററുകളെ വലിയ ബിസിനസ് സാധ്യതകളായി കണ്ട് വലിയ വാടകയാണ് സ്വകാര്യ ഏജൻസികൾ ഈ  മേഖലയിൽ പുതുതായി എത്തുന്നവരിൽ നിന്ന് വാങ്ങുന്നത്.

സർക്കാർ മേഖലയിൽ ഈ  സൗകര്യം ഇല്ലാത്തതിനാലാണ് സ്വകാര്യ ഏജൻസികൾ വലിയ തുക ഈടാക്കുന്നത്.  സ്വകാര്യ മേഖലയിലെ അനിയന്ത്രിതമായ വില നിയന്ത്രിക്കാൻ കാര്യമായ ചട്ടങ്ങളും നിലവിൽ ഇല്ല. കന്നുകാലികളെ വളർത്തുന്നവരുടെയും സ്ഥിതി ഇതു തന്നെയാണ്.

മൃഗാശുപത്രിയിൽ നിന്ന് നിർദേശിക്കുന്ന മരുന്നുകൾ സ്വകാര്യ മെഡിക്കൽ സ്റ്റോറിൽ മാത്രമേ  ലഭ്യമാകുകയുള്ളൂ. അതിന് വലിയ തുക നൽകുകയും വേണം. ഇക്കാര്യത്തിൽ സർക്കാരിൻ്റെ അടിയന്തര ഇടപെടൽ ആണ് ക്ഷീര കർഷകരും മറ്റും ആവശ്യപ്പെടുന്നത്.

- Advertisment -

RELATED ARTICLES
Advertisment

Desham News

- Advertisement -

ഇന്ത്യൻ റെയിൽവേയിൽ പഴക്കമുള്ള പാസഞ്ചർ റിസർവേഷൻ സിസ്റ്റം  മാറ്റി പുതിയ പരിഷ്കരിച്ച സംവിധാനം വരുന്നു

ന്യൂഡൽഹി: ഇന്ത്യൻ റെയിൽവേയിൽ യാത്രക്കാർ ഏറെക്കാലമായി കാത്തിരുന്ന വിപ്ലവകരമായ മാറ്റത്തിന് ഓഗസ്റ്റ് മുതൽ തുടക്കമാകുന്നു. ടിക്കറ്റ് ബുക്കിംഗ് സുഗമമാക്കുന്നതിനും സാങ്കേതിക തകരാറുകൾ പരിഹരിക്കുന്നതിനുമായി 40 വർഷം പഴക്കമുള്ള പാസഞ്ചർ റിസർവേഷൻ സിസ്റ്റം (PRS)...

കാട് തെളിക്കുന്നതിനിടെ  ടിന്നിൽ അടച്ച നിലയിൽ കഞ്ചാവ് ലഭിച്ചു.

പത്തനംതിട്ട : അടൂരിൽ കാട് തെളിക്കുന്നതിനിടെ തൊഴിലുറപ്പ് തൊഴിലാളികൾക്ക് ടിന്നിൽ അടച്ച നിലയിൽ കഞ്ചാവ് ലഭിച്ചു. ഉപയോഗശൂന്യമായ കെട്ടിടത്തിന് പിന്നിലെ കുറ്റിക്കാട്ടിൽ നിന്നാണ് ടിൻ ലഭിച്ചത്. 450 ഗ്രാം കഞ്ചാവും ഇത് വിൽക്കുന്നതിനായുള്ള...
- Advertisment -

Most Popular

- Advertisement -