തിരുവല്ല: ആംബുലൻസ് ലഭിച്ചില്ല, വെള്ളപ്പൊക്ക ബാധിത പ്രദേശത്ത് മരിച്ച വയോധികയുടെ മൃതദേഹം എത്തിച്ചത് ഐഷർ വാഹനത്തിൽ. നെടുമ്പ്രം പഞ്ചായത്തിലെ കല്ലുങ്കലിൽ മരിച്ച ഏലിയാമ്മ ഏബ്രഹാമിൻ്റെ മൃതദേഹമാണ് ഐഷർ വാഹനത്തിൽ ആശുപത്രിയിൽ നിന്ന് കൊണ്ടുവന്നത്.
നെടുമ്പ്രം പഞ്ചായത്ത് പ്രസിഡൻ്റ് കെ. ബാലചന്ദ്രൻ, വൈസ് പ്രസിഡൻ്റ് സുജിത, വാർഡംഗം വൈശാഖ് എന്നിവരുടെ ശ്രമഫലമായാണ് സഹായം ഒരുക്കിയത്. പ്രളയ സാഹചര്യത്തിലും മാനുഷിക പരിഗണനയ്ക്ക് പ്രാധാന്യം നൽകി നാടിന് മാതൃകയായി.
