കൊല്ലം : കരുനാഗപ്പള്ളിയില് നിന്നും രണ്ട് ദിവസം മുൻപ് കാണാതായ ഏഴാം ക്ലാസ് വിദ്യാര്ത്ഥിയുടെ മൃതദേഹം കണ്ടെത്തി.കൊല്ലം കരുനാഗപ്പള്ളി അറയ്ക്കൽ വീട്ടിൽ നൗഷാദിന്റെ മകൻ ബിലാലിനെയാണ് ശനിയാഴ്ച വൈകിട്ട് മുതല് കാണാതായത്. കൊതുമുക്ക് പാലത്തിനടിയില് നിന്നാണ് മൃതദേഹം കണ്ടെത്തിയത്.
ശനിയാഴ്ച വൈകീട്ട് ഫുട്ബോള് കളിക്കുന്നതിനായി വീട്ടില് നിന്ന് സൈക്കിളിൽ ഇറങ്ങിയതായിരുന്നു ബിലാല്.കുട്ടിയെ കാണാതായതിനെ തുടർന്ന് നടത്തിയ തിരച്ചിലിൽ കന്നേറ്റി കായലിലെ വള്ളംകളി പവലിയന് സമീപത്തുനിന്നും സൈക്കിളും ചെരിപ്പും കണ്ടെത്തി.ഇന്ന് എൻഡിആർഎഫ് സംഘവും ഫയർഫോഴ്സും സംയുക്തമായി നടത്തിയ തിരച്ചിലിലാണ് ബിലാലിന്റെ മൃതദേഹം കണ്ടെത്തിയത്.
