ചെങ്ങന്നൂർ : ഓപ്പറേഷൻ തണ്ടറിന്റെ ഭാഗമായി ചെങ്ങന്നൂർ എക്സൈസും ആർപിഎഫും സംയുക്തമായി നടത്തിയ റെയ്ഡിൽ മൂന്നു കിലോ കഞ്ചാവ് പിടിച്ചെടുത്തു. ചെങ്ങന്നൂർ റെയിൽ വേസ്റ്റേഷനിലെ ഒന്നാമത്തെ പ്ലാറ്റ്ഫോമിൽ ക്ലോക്ക് റൂമായി ഉപയോഗിക്കുന്ന കെട്ടിടത്തിന്റെ മുൻവശത്തുനിന്നാണ് ഉടമസ്ഥൻ ഇല്ലാത്ത നിലയിൽ കഞ്ചാവ് കണ്ടെത്തിയത്.
ചെങ്ങന്നൂർ എക്സൈസ് റേഞ്ച് ഇൻസ്പെക്ടർ വി. സജീവ്, ആർപിഎഫ് ഇൻസ്പെക്ടർ പ്രൈസ് മാത്യു, ആർപിഎഫ് കോൺസ്റ്റബിൾ വിപിൻ, അസി.എക്സൈസ് ഇൻസ്പെക്ടർ (ഗ്രേഡ്) ജോജൻ ജോൺ, ബിനോയ് പി.ആർ, സിവിൽ എക്സൈസ് ഓഫീസർമാരായ ശ്രീക്കുട്ടൻ, അമൽ. കെ.പി, വനിത സിവിൽ എക്സൈസ് ഓഫീസർമാരായ വിജയലക്ഷമി ബി, ആർ. ആശ എന്നിവരാണ് റെയ്ഡിൽ പങ്കെടുത്തത്.
