ശബരിമല: ഓണം പൂജകൾ പൂർത്തിയാക്കി ശബരിമല ക്ഷേത്ര നട അടച്ചു. രാത്രി 10-ന് ഹരിവരാസനം പാടിയാണ് നട അടച്ചത്. തന്ത്രി കണ്ഠര് ബ്രഹ്മദത്തന്റെ കാർമികത്വത്തിൽ കളഭാഭിഷേകവും പടിപൂജയും നടന്നു. വൈകിട്ട് 6 വരെ പമ്പയിൽ നിന്നും തീർത്ഥാടകരെ സന്നിധാനത്തേക്ക് കടത്തിവിട്ടിരുന്നു.
തിരുവോണ ദിനത്തിൽ സന്നിധാനത്ത് എത്തിയ മുഴുവൻ ഭക്തജനങ്ങൾക്കും വിഭവസമൃദ്ധമായ സദ്യ ഇക്കുറിയും നൽകി. മൂവായിരത്തോളം അയ്യപ്പഭക്തർക്കാണ് ഇത്തവണ ഓണസദ്യയിൽ പങ്കെടുത്തത്. സ്പോൺസർമാരെ ആശ്രയിക്കാതെയും യാതൊരുവിധ പിരിവുകളും ഇല്ലാതെയും ദേവസ്വം ബോർഡിന്റെ പൂർണ്ണ ചെലവിലാണ് തിരുവോണ സദ്യ ഒരുക്കിയിരുന്നത്.
